Një aksident i rëndë është shënuar mbrëmjen e së martës në Sukth. Si pasojë e aksidentit një 28-vjeçar ka humbur jetën.
Ngjarja ka ndodhur rreth orës 23:45, në rrugën që lidh Sukthin me Rrushkullin, në lagjen Stalla.
Sipas të dhënave paraprake nga policia, një automjet është përplasur me një motomjet që drejtohej nga shtetasi A.SH., 28 vjeç.
Për shkak të plagëve të marra nga përplasja e fortë, i riu ka ndërruar jetë në vendngjarje, pa mundur t’u mbijetojë dëmtimeve.
Menjëherë pas aksidentit, në zonë kanë mbërritur shërbimet e policisë dhe grupi hetimor, të cilët kanë kryer veprimet e para procedurale dhe kanë nisur hetimet për të zbardhur rrethanat e plota të ngjarjes.
Policia bëri me dije se ka arrestuar drejtuesin e automjetit, shtetasin M.V., 19 vjeç, i cili dyshohet se është përgjegjës për aksidentin.
Hetimet vijojnë për të përcaktuar shkaqet e aksidentit dhe dinamikën e plotë të ngjarjes.
