Donald Trump është nisur drejt Kinës, ku pritet të takohet me presidentin Xi Jinping në një vizitë që vjen në një moment tensionesh të larta ndërkombëtare. Para nisjes kreu i Shtëpisë së Bardhë foli për raportet me Kinën, por edhe për situatën me Iranin.
“Nuk mendoj se kemi nevojë për ndihmë me Iranin. Do ta fitojmë në një mënyrë ose në një tjetër. Do ta fitojmë në mënyrë paqësore ose jo”, tha Trump.
Presidenti amerikan deklaroi gjithashtu se forcat ushtarake iraniane janë shkatërruar dhe akuzoi Teheranin për mijëra viktima gjatë javëve të fundit.
“Marina e tyre është zhdukur. Forca e tyre ajrore është zhdukur. Çdo element i makinës së tyre të luftës është zhdukur. Ata kanë vrarë shumë njerëz. Ne fitojmë, pavarësisht se si e shikoni”, tha Trump.
Megjithatë, Trump theksoi se marrëdhëniet me presidentin Xi Jinping mbeten shumë të mira dhe se bashkëpunimi me Kinën po ecën pozitivisht.
“Kam një marrëdhënie të shkëlqyer me Presidentin Xi dhe mendoj se do të mbetet kështu. Kemi shumë gjëra për të diskutuar”, tha Trump.
Trump konfirmoi gjithashtu se Xi Jinping pritet të vizitojë Shtetet e Bashkuara në fund të vitit.
“Po shkojmë shumë mirë me Kinën. Bashkëpunimi ka qenë shumë i mirë. Presidenti Xi do të vijë këtu drejt fundit të vitit dhe kjo do të jetë emocionuese”, tha Trump.
Takimi Trump–Xi pritet të fokusohet në marrëdhëniet ekonomike, siguria globale dhe zhvillimet në Lindjen e Mesme.
