Në Tiranë është çelur këtë të shtunë, Java e Europës me një aktivitet të organizuar në kuadër të Ditës së Europës.
Ambasadori i Delegacionit të Bashkimit Europian në Shqipëri, Silvio Gonzato deklaroi se Europa po përballet me sfida të mëdha për shkak të tensioneve globale dhe luftës në Ukrainë, ndërsa theksoi se paqja dhe demokracia duhet të mbrohen çdo ditë.
Lexo edhe :
Gonzato u shpreh se Bashkimi Europian është ndërtuar mbi vlerat e lirisë, barazisë dhe demokracisë.
Silvio Gonzato: Europa u ndërtua mbi një premtim 3 fjalësh, liri, barazi dhe demokraci. Sot në një botë me rritje të tensioneve ne duhet t’i mbrojmë këto vlera. Në Ditën e Europës ne kremtojmë atë që jemi. Paqja në Europë është në rrezik, në mbarë botën tensionet për rritjen. BE duhet të mbrojë interesin e qytetarëve. BE po vepron për t’iu përgjigjur kësaj situate. Ne po bëjmë gjithçka që është e mundur që Europa të qëndrojë si shtyllë e fortë e stabilitetit. Paqja nuk është falas ajo duhet të mbrohet çdo ditë. Ndihma e BE për Ukrainë arrin në 200 miliardë euro. Përveç kësaj BE ka vendosur që t’i japë Ukrainës edhe 90 miliard euro për të ndihmuar në nevojat e saj urgjente. Rusia po dështon. Nuk mund të ketë paqe të drejtë dhe të qëndrueshëm pa dakordësinë e BE dhe Ukrainës.
/vizionplus.tv
