Këngëtarja e njohur shqiptare, Çiljeta Xhilaga, është shfaqur së fundmi në një formë mjaft të mirë fizike, si në rrjetet sociale ashtu edhe gjatë performancave të saj live. Ndryshimi në pamjen e saj nuk ka kaluar pa u vënë re nga ndjekësit.
Komentet në rrjet kanë qenë të shumta. Ndërsa shumë prej fansave e kanë komplimentuar për pamjen, të tjerë kanë ngritur dyshime se këngëtarja mund të ketë përdorur programe për modifikimin e fotografive.
Çiljeta ka vendosur t’u përgjigjet drejtpërdrejt këtyre komenteve, duke konfirmuar se ka kryer një ndërhyrje estetike. Në një koment, ajo shkruan: “Kam bërë lipo moj shoqe, kam bërë lipo barkut, kam dhe një korsetë në bark që mbaj nga halli mbas lipos, se më hëngrët sot.”
Me termin “lipo” i referohet liposuksionit, një procedurë kirurgjikale që synon heqjen e yndyrës së tepërt nga zona të caktuara të trupit. Në rastin e saj, këngëtarja ka bërë të ditur se ndërhyrja është kryer në zonën e barkut.
Çiljeta Xhilaga ishte gjithashtu pjesë e sezonit të parë të “Ferma VIP”, ku publiku pati mundësinë ta shihte në një tjetër dimension, përtej imazhit të saj si këngëtare. Gjatë qëndrimit në format, ajo u shfaq më e përkushtuar ndaj jetës së përditshme dhe marrëdhënieve me banorët e tjerë.
Ndërhyrja estetike dhe ndryshimi në pamjen e saj kanë rikthyer në vëmendje diskutimet e ndjekësve rreth transformimit të këngëtares, ndërsa vetë Çiljeta ka zgjedhur të jetë e hapur me publikun për vendimin që ka marrë.
/vizionplus.tv
