Rama në Javën e Europës: Shqipëria e ndjen deri në palcë vlerën e të qenit europian

Në Tiranë është çelur këtë të shtunë, Java e Europës me një aktivitet të organizuar në kuadër të Ditës së Europës.

Kryeministri Edi Rama, në fjalën e tij tha se Europa mbetet për shqiptarët një ëndërr dhe një mision i pandryshueshëm politik.

Lexo edhe :

Related Posts

Java e Europës/ Gonzato: Paqja në Europë është në rrezik, siguria e kontinentit është e përbashkët

Rama u shpreh se Europa është një hapësirë kulturash dhe historish që bashkëjetojnë, duke dëshmuar se liria dhe identiteti njerëzor nuk negociohen.

Kryeministri foli edhe për sfidat aktuale të kontinentit, duke theksuar se Europa dhe bota po kalojnë një periudhë të vështirë, ku frika dhe pasiguria po ndikojnë tek optimizmi i qytetarëve.

Rama: Ka diçka shëmbëllyese në faktin që Dita e Europës në Shqipëri hapet si një sipar i një jave të gjatë kulturore dhe aspak rastësisht mes njerëzve që e shohin botën jo vetëm siç është, por edhe siç mund të jetë. Në fund të fundit, vetë Europa ka lindur pikërisht nga një akt i fuqishëm imagjinate dhe aftësie për të besuar se deri edhe pas luftërave më gjakatare dhe maleve më të pakapërcyeshme të ngritura me viktima mes kombeve, mund të ketë jo thjesht shpresë, por ardhmëri të përbashkët, në paqe. 

Europa është një djep kulturash dhe historish që bashkëveprojnë, duke dëshmuar se liria dhe identiteti njerëzor nuk negociohen. Kjo kohë që po jetojmë nuk është e mirë as për Europën dhe botën, ku frika nga rrebeshet tkurr optimizmin dhe lind mosbesimi. Por, kjo është koha kur më shumë se asnjëherë libri i historisë së Europës është aty për të ardhur në ndihmë për të kuptuar se çfarë nuk duhet bërë. Për ne Shqiptarët Europa mbetet edhe në këtë kohë të vranët ajo që ka qenë, kur nuk ishte dot e arritshme. Europa për ne mbetet një ëndërr, tokë e premtuar, amanet kombëtar dhe një mision i pa ndryshueshëm politik. As se ne jemi naiv apo kemi iluzione, por sepse ne e dimë mirë, e dimë më mirë se kushdo tjetër se çfarë do të thotë të jetosh i izoluar dhe i rrethuar me mure për t’u mbrojtur nga Europa. Nuk mund të ndodhë në Europë që nja parti politike të dalë në fushatë me flamurin europian, të kërkoja vota me premtimin e anëtarësimit në BE dhe përmbushë negociatat për anëtarësimin në BE. Ne e ndjejmë deri në palcë vlerën e paçmuar të Europës dhe të të qenit eruropian dhe të të pasurit mundësin për të jetuar në BE.

/vizionplus.tv