Prokuroria e Tiranës ka përfunduar hetimet dhe ka dërguar në gjyq shtetasin libanez Fadi Alwan, i akuzuar për vrasjen e vajzës së tij, 24-vjeçares Rayyan Alwan.
Sipas organit të akuzës, ndaj tij rëndon akuza e “vrasjes në rrethana cilësuese”, një vepër penale që parashikon dënim deri në burgim të përjetshëm.
Rayyan Alwan, një vajzë 24-vjeçare me origjinë palestineze që jetonte në Gjermani, humbi jetën në mënyrë tragjike në Shqipëri më 22 shkurt 2025. Ajo kishte mbërritur në Tiranë më 19 shkurt, së bashku me të atin, Fadi Alwan, 49 vjeç, me dokumente greke dhe bileta udhëtimi të lidhura me identitet nga Kosova. Ata u vendosën në një apartament në rrugën “Gjon Muzaka”, ku nuk dorëzuan dokumente identifikimi.
Fqinjët, të cilët dyshuan për marrëdhënien e tyre për shkak të mënyrës së sjelljes, njoftuan autoritetet pas zhdukjes së çiftit për disa ditë. Trupi i masakruar i Rayyan u gjet nga policia në apartament, me dyshime se ishte vrarë disa ditë më parë.
/vizionplus.tv
