Analisti politik Martin Leka tha në studion e QUO VADIS në Vizion Plus se kriza brenda Partisë Demokratike e ka zanafillën më 8 janar, ditën kur u zhvillua shfaqja skandaloze për marrjen e selisë, duke shqyen dyer e dritare.
Leka theksoi se brenda PD-së nuk ka hapësirë për zëra kundër, pasi sipas tij gjithçka kontrollohet nga Sali Berisha.
Ai shtoi se përgjegjësia për bashkimin e partisë i takon Berishës, por zgjidhja, sipas analistit, do të ishte dorëheqja e këtij të fundit nga drejtimi i Partisë Demokratike.
Pjesë nga biseda:
Leka: Më 8 janar, 4 vite më parë u bë një shfaqje skandaloze për marrjen e selisë së Partisë Demokratike. Këtu e ka burimin gjithë kriza e PD-së. Sot kemi dy numra, njëri është Sali Berisha, që shkoi ta marrë me dhunë selinë, dhe tjetri është Gazmend Bardhi, që e mbronte po me dhunë.
Borakaj: Nuk e ka tejkaluar PD këtë ngjarje?
Leka: Jo, përderisa në Partia Demokratike është në këtë gjendje. Të gjitha zërat kundër i ka mbyllur një njeri që quhet Sali Berisha dhe ajo është partia e tij, duam s’duam ne. E ka ai për detyrë t’i bëjë të gjithë bashkë, por ajo që duhet të bëjë Berisha është të dorëhiqet njëherë e mirë nga ajo parti.
/vizionplus.tv
