Një 43-vjeçar shqiptar ka humbur jetën pas një aksidenti të rëndë të ndodhur mbrëmjen e kaluar, 21 dhjetor në Itali.
Viktima është identifikuar si Agron Radici, banor në zonën e Vastos.
Sipas mediave italiane, ai po drejtonte automjetin e tij tip Audi A4, kur për arsye ende të paqarta humbi kontrollin e mjetit.
Makina doli nga rruga dhe përfundoi në një kanal kullues uji. 43-vjeçari u transportua me urgjencë në spital, por nuk arriti t’u mbijetojë plagëve dhe ndërroi jetë.
Autoritetet italiane kanë nisur hetimet për të zbardhur shkaqet e aksidentit.
Ai la pas gruan e tij, Aurora, dhe dy fëmijë të vegjël./vizionplus.tv
