Një aksident i rëndë rrugor është shënuar mëngjesin e sotëm, rreth orës 05:00, në fshatin Çermë Sektor, ku një automjet ka dalë nga rruga pasi drejtuesi i tij ka humbur kontrollin.
Sipas burimeve zyrtare, mjeti po drejtohej nga shtetasi F. M., 63 vjeç, banues në Çermë Sektor. Si pasojë e aksidentit ka humbur jetën pasagjerja M. S., 47 vjeçe, ndërsa janë plagosur tre persona të tjerë: pasagjerët A. M., 37 vjeçe, një 15-vjeçar si dhe vetë drejtuesi i automjetit. Të plagosurit ndodhen aktualisht në spital, nën kujdesin e mjekëve.
Grupi hetimor ndodhet në vendngjarje dhe po punon për zbardhjen e plotë të shkaqeve të aksidentit.
/vizionplus.tv
