Departamenti i Shtetit i ka shpallur ish-kryetarin e bashkisë së Budvës dhe deputetin Milo Bozoviç dhe ish-kryetaren e Gjykatës Supreme të Malit të Zi Vesna Medenica “non grata” për shkak të pjesëmarrjes së tyre në korrupsion të konsiderueshëm që mundësoi kontrabandën e drogës.
DASH thekson se Bozoviç abuzoi me detyrën e tij publike për të mbështetur krimin e organizuar dhe operacionet ndërkombëtare të trafikut të drogës.
“Në veçanti, Medenica abuzoi me detyrën e saj publike duke ofruar mbështetje për një organizatë kriminale kontrabande – duke ofruar informacione gjyqësore, duke ndërmjetësuar në vendimet gjyqësore dhe duke pranuar ryshfete në formën e parave dhe pasurisë së paluajtshme me qëllim ndikimin në vendimet gjyqësore. Këto përcaktime konfirmojnë angazhimin e Shteteve të Bashkuara në luftën kundër trafikimit të paligjshëm të narkotikëve, organizatave kriminale transnacionale dhe korrupsionit që kërcënon interesat e sigurisë së SHBA-së në Ballkanin Perëndimor dhe më gjerë”, thuhet në deklaratë.
Departamenti i Shtetit ka vendosur ka shpallur non grata edhe anëtarët e familjes së afërt të Bozoviçit, Dragana Bozoviç, Balsha Bozoviç dhe Pavle Bozoviç, si dhe anëtarët e familjes së afërt të Medenicës, Miloš Medenica dhe Maria Medenica.
Prokuroria Speciale e Shtetit (SDT) akuzon Vesna Medenicën dhe djalin e saj Miloshin për disa vepra penale, dhe aktakuza kundër tyre u ngrit në tetor 2022.
SDT-ja akuzon individë në atë organizatë për kontrabandë cigaresh dhe droge, ndikim të paligjshëm në gjyqësor, krijim të një organizate kriminale, kontrabandë, dhënie dhe marrje ryshfeti dhe ndikim të paligjshëm dhe nxitje të ndikimit të paligjshëm, shpërdorim të detyrës zyrtare, posedim të paligjshëm të armëve, shkaktim të lëndimeve të rënda trupore dhe pengim të provave.
Sipas pretendimeve të SDT-së, Bozoviç është anëtar i kartelit të drogës policore, i cili menaxhohej nga kreu i arratisur i klanit Kavačka, Radoje Zvicer, dhe një i arratisur me distinktiv policie, Lujbo Miloviç. Kjo organizatë kriminale akuzohet për kontrabandë të 4.3 tonëve kokainë, pastrim parash prej rreth 7,000,000 eurosh, por edhe për shkaktim të rrezikut të përgjithshëm dhe posedim të paligjshëm të armëve…
