“ Nga Bebja në Bebe” ishte një nga pikat e programit të LSi që ka krijuar më shumë debat në opinionin publik.
Ekspertet financiare i kërkuan llogari kësaj force politike mbi mënyrën sesi bonusi për 1 mijë dollarë që do ti jepet cdo bebeje që lind, pas 25 vitesh përkthehet në një shumë 25 mijë dollare.
Këtë të martë LSI ka shpjeguar pikërisht mekanizmin financuar të financimit me të cilin do të funksionojë programi NGA BEBJA NË BEBE., shkruan Vizion Plus.
Sipas LSI, çdo fëmijë që lind gjatë qeverisjes së LSI, kur të rritet dhe të bëhet vetë me fëmijë, do të ketë mbështetje financiare në vlerën rreth 25 000 USD për të nisur jetën e re prindërore.
LSI bën të ditur se në 2020 kemi pasur 28 mijë lindje, dhe nisur nga kjo mesatare nëse aplikohet bonusi 1 mijë dollarë për bebe, nga buxheti I shtetit do të merren cdo vit nga 28 milionë dollar, e cila sipas LSI është 0.56% e Buxhetit Total Vjetor te Shtetit Shqiptar.
Më poshtë skema sesi do funksionoje mekanizmi i krijimit, administrimit te fondit Nga BEBJA NE BEBE, sipas LSI.
Ky Program per Fondin e Investimeve te Femijeve, do te miratohet ne Parlament dhe do te percaktoje qarte rregullat dhe mekanizmat.
Modeli i Fondit do të realizohet bazuar mbi modelin e “interesit të përbërë” (Compaund Interest and Future Funds), mbi modelet e bursave të tregut financiar ndërkombëtar.
Cila do të jetë Formula e cila do të llogarisë kthimin minimal të investimit të këtij fondi pas 25 viteve për një fëmijë të lindur sot?
FORMULA e cila garanton kthimin minimal te investimit për 1 fëmijë pas 25 vjetëve është:
Investimi (i) është 1000 dollarë për fëmijë.
Periudha kohore = 25 vite.
1000 (1+x)25 = 25,000
(1+x)25 = 25
(1+x)= 25 në fuqi 0.04
(1+x)= 1.1374114
x= 0.137411461756029
x= 13.7411461756029 %
Kjo është formula sesi minimalisht fondi duhet të japi për çdo fëmijë 25.000 dollarë.Kjo Formule vlen për INDIVIDIN dhe jo për familjen.
Që do të thotë:
Bebja x mashkull dhe bebja y femer te lindur në vitin 2021, mbas 25 vitesh, viti 2046, sjell në jetë beben z. Në këtë moment, prindërit x dhe y, janë zotërues të një fondi 50.000 dollarë. Ndërkohë që bebja Z kryen të njëjtin cikël për jetën e saj.
