Pas daljes nga “Ferma VIP”, Klod Dedja ka folur për eksperiencën e tij brenda shtëpisë, duke treguar se qëndrimi i tij nuk ka qenë i lehtë dhe se është përballur me një atmosferë të ftohtë që në fillim.
Ai u shpreh se hyrja si performer e ka vendosur në një pozicion të vështirë, duke krijuar distancë me disa prej banorëve:
“Aty brenda më pritën shumë keq sepse hyra si performer. Kjo më krijoi një hendek të madh ndërmjet shtëpisë dhe meje. Hyra për t’u kënaqur, por ndjeva një mur, pikërisht nga ata që nuk e prisja. Moza ka qenë e para. Unë kam zbuluar një Ilir interesant. Nuk e njihja nga jashtë”
Duke folur për strategjinë e tij, ai pranoi se kishte menduar edhe largimin në një moment:
“I thashë Blerinës, nëse do të nxjerrin ty, do të jap votën time për ty live, sepse e kisha kompletuar misionin, doja të dilja.”
Në fund, ai shtoi se raporti i tij me lojën dhe njerëzit ka qenë kompleks:
“Unë adhuroj njerëzit që nuk më pëlqejnë. I dua më shumë ata që nuk më pëlqejnë.”
/vizionplus.tv
