I ftuar në “Ferma Club”, Ervin Kapaj ka folur hapur për eksperiencën e tij brenda formatit, duke theksuar se hyrja me vonesë ndikoi drejtpërdrejt në rrugëtimin e tij në lojë.
Ai u shpreh se dy ditët e para ishin të vështira, pasi askush nuk i afrohej dhe e përjetoi situatën si një “shok”. Sipas tij, i vetmi që i dha një qasje fillestare ishte Iliri, me të cilin kishte njohje edhe jashtë fermës, duke e ndihmuar të integrohej disi në grup.
“Hyrja me vonese ishte penalizim. Sapo hyra askush nuk te afronte. Dy ditet e para isha në shok. E vërtetë që njihja Ilirin nga jashtë. Ai më bëri një lloj qasje“, u shpreh Ervini
Duke folur për raportet brenda fermës, Kapaj tregoi se me Moza u afrua për shkak të rrethanave, por më pas vendosi të distancohej. Ai theksoi se afrimiteti me të nuk e ndihmonte në lojë, pasi nuk po arrinte të njihte banorët e tjerë dhe të krijonte strategjinë e tij.
“Me Mozën na lidhi qafa. Trajtimi i qafes qe ajo kishte nevoje. Nuk e kisha studiuar nga jashte. Nese do e ndiqja nga jashte nuk do isha vetëvetja. Ishin dy pole.Moza dhe Iliri. Afrimiteti me Mozen nuk me ndihmoi. U distancova sepse nuk mund të bëja lojën time, nuk njihja të tjerët”, tha ai.
Në ditët e fundit, ai pranoi se u bë më pasiv, ndërsa synimi i tij ishte të krijonte një grup të ri me Mozën, Gresën dhe të afronte edhe Malborën. Megjithatë, kjo strategji nuk arriti të konkretizohej plotësisht.
Një moment emocional për të ishte surpriza nga vëllai i tij, që e përjetoi si një çast të veçantë gjatë qëndrimit në fermë.
Sipas tij, Moza është ndër lojtaret më të forta dhe meriton fitoren: “Normal që Moza e fiton, përshtatet me të gjithë, njeriu më inteligjent që kam njohur.”
/vizionplus.tv
