Presidenti ukrainas Volodymyr Zelensky nënshkroi të mërkurën një marrëveshje me Këshillin e Evropës për të krijuar një gjykatë speciale për të ndjekur penalisht dhe gjykuar ata që janë përgjegjës për “krimet e agresionit kundër Ukrainës “.
“Ky nënshkrim është një hap vendimtar në krijimin e një gjykate speciale”, tha Alain Berset, president i Këshillit të Evropës, organizatës së të drejtave të njeriut në kontinentin evropian, e cila përfshin 46 vende, përfshirë Ukrainën.
Këshilli ka punuar tashmë me Ukrainën për të krijuar një Regjistër Dëmesh, i cili ka marrë më shumë se 34,000 aplikime. Pritet gjithashtu të ngrihet një Komitet Kërkesash.
Siç shpjegoi Berset në një njoftim për shtyp, “gjykata, që do të krijohet brenda kornizës së Këshillit të Evropës, do t’i mbajë përgjegjës ata që kanë përdorur forcë në shkelje të Kartës së Kombeve të Bashkuara “.
Gjykata Ndërkombëtare Penale aktualisht ka raste aktive kundër Presidentit rus Vladimir Putin dhe Komisioneres për të Drejtat e Fëmijëve Maria Alexeyevna Lvova-Belova për deportim dhe transferim të paligjshëm të popullatave, përfshirë fëmijët./vizionplus.tv
