Ka nisur në Gjykatën e Apelit seanca për ish-efektivin e RENEA-s, Arbër Paplekaj.
Gazetarja e Vizion Plus, Bela Cene raporton se 1 ekspert i Institutit të Policisë shkencore dhe 2 ekspertë të pavarur do të rindertojnë skenën e krimit.
Lexo edhe :
Related Posts
Grupi i punës do të përbëhet nga Arjan Hanko nga Instituti i Policisë Shkencore, Artan Rexhepi dhe Shpetim Buda ekspertë të pavarur.
Ekspertët duhet të përcaktojnë drejtimin e qitjes së armëve ditën e ngjarjes, distancën dhe pozicionet nga është qëlluar.
Por ekspert i Institutit të Policisë shkencore, Arjan Hanko tha sot se nuk mund të marrë pjesë në këtë proces.
“Nuk mund të marrë pjese ne këtë proces, nuk ma lejon rregullorja e punës. Jam i specializuar per gjurmet papilare jo balistike”, tha Arjan Hanko.
Gjykata e Apelit të Juridiksionit të Përgjithshëm pranoi me 4 Mars kërkesën e Arbër Paplekaj, për kryerjen e një ekspertimi kriminalistik ne vendin e ngjarjes, për vrasjen e Pjerin Xhuvanit në Elbasan.
Arbër Paplekaj, është dënuar me 22 vite burg nga shkalla e parë për vrasjen e Pjerin Xhuvanit prill 2021 pak dite para zgjedhjeve parlamentare.
Paplekaj kërkon edhe rikualifikim të veprës penale nga vrasje me dashje ne vrasje në kushtet e tronditjes së fortë psiqike.
Prokuroria sot pritet të japë informacion edhe per procedimin e pezulluar për personat e tjerë që kanë qëlluar me armë zjarri në vendin e ngjarjes gjatë përplasjes së grupeve të militanteve PD-PS, mes atyre të ashtëquajtur anëtarve të struktures së mbrojtjes së votës dhe mbështetësve socialist. /vizionplus.tv
