300 kuota kredie u miratuan nga qeveria për punonjësit që janë pjesë e administratës publike dhe që janë në nevojë për të blerë një shtëpi për strehim.
Aplikantët duhet të jenë mësues, mjekë, infermier, ushtarakë, policë. Dardana Grabovaj drejtore e strehimit në Ministrinë Ekonomisë gjatë një interviste për emisionin e-ZONE tha se aplikimet do të hapen brenda muajit korrik dhe do të jenë të hapura rreth një muaj.
“Ky është viti i katërt që zbatohet ky program. Është më i kërkuari nga administrata. Ka një interes shumë të lartë nga mësuesit, mjekët, ushtarakët dhe policët të cilët duan të blenë një banesë ndaj dhe vendosëm që të fokusohemi tek kjo kategori”, tha Grabovaj
Por kush janë kriteret kryesore që duhet të plotësojnë aplikantët?
“Jo të gjithë kanë të drejtë të aplikojnë. Përfitues janë ata që kanë statusin e nëpunësit civil si dhe të gjithë punonjësit që kanë një kontratë të përhershme pune në shtet. Paralelisht çdo aplikant nuk duhet të jetë përfitues nga asnjë program tjetër strehimi që ofron qeveria apo njësitë vendore”, sqaroi Grabovaj në Vizion Plus.
Vlerësimi bëhet në bazë të një formule pikëzimi ku më të favorizuar janë ato çifte apo familjar që jetojnë nën kushtet normale të strehimit.
/vizionplus.tv
