Tritol makinës në Shkodër, policia: Ja kujt i përkiste, u shkaktuan vetëm dëme materiale

Një sasi eksplozivi i është vendosur një makine në fshatin Gimaj të Shkodrës, që është në pronësi të Leonard Ftonit.

Policia bën me dije se nga kjo ngjarje janë shkaktar vetëm dëme materiale.

Grupi hetimor, në drejtimin e Prokurorisë, po kryen veprimet hetimore për zbardhjen e plotë të rrethanave të ngjarjes, si dhe për identifikimin dhe kapjen e autorit/autorëve.

“Sot, rreth orëve të para të mëngjesit, në fshatin Gimaj, dyshohet se në automjetin në pronësi të shtetasit Leonard Ftoni është vendosur një sasi e vogël lënde e dyshuar plasëse. Si pasojë, janë shkaktuar vetëm dëme materiale. Shërbimet e Policisë kanë shkuar menjëherë në vendngjarje. Grupi hetimor, në drejtimin e Prokurorisë, po kryen veprimet hetimore për zbardhjen e plotë të rrethanave të ngjarjes, si dhe për identifikimin dhe kapjen e autorit/autorëve”, njofton policia.