Kryeministri Edi Rama ka qenë i pranishëm në Prezantimin e Programit Kombëtar për Përgatitjen e Biznesit për Integrimin në Bashkimin Europian, së bashku me komunitetin e biznesit, për të prezantuar mbështetjen dhe mundësitë që programi sjell për përgatitjen e sipërmarrjeve shqiptare drejt Tregut Unik Europian.
Rama në fjalën e tij ka folur për rënien e monedhës europiane, ndërsa ka shtuar se sot biznesi është në një tjetër nivel.
“Rënia e euros është një tendencë që shkon në të kundërt me procesin e pakthyshëm të transformimit të Shqipërisë në përballje me sfidat me tregun në BE.
Tendenca nuk ka qenë si të mbrohemi, por si të dalim përtej kufijve që na imponon situata ku jemi dhe si të inovojmë dhe të adaptohemi. sot sipërmarjet janë në një nivel tjetër dhe kanë provuar që guximi shpërblen kur mbështetet nga një vizion i qartë dhe vullmet i fortë e nga ideja që e ardhmja nuk ndalet.
Ne jemi këtu për të ardhmen që nuk ndalet sepse vjen dhe për të shkuarën që nuk kthehet sepse ka ikur. Për tiu gjetur pranë bizneseve, ne jemi angazhguar në krijimin e këtij programi të cilin do e mbështesim edhe me eskpertizën e TUE që do angazhojë ekspertë të mirëinformuar dhe të mirëpërgatitur për të asistuar sipermarrjen shqiptare”, tha Rama.
