Agron Tanushi, autor i vrasjes së ish kunatës së tij në Bathore, është arrestuar nga forcat e rendit.
34 vjecari ka rënë në prangat e shërbimeve të policisë së Lushnjës dhe të DVP Tiranë , pasi ishte i rrethuar ne shtepine e motres se tij, aty ku ishte fshehur pas krimit te rende. Policia sekuestroi edhe pushka me të cilën ka kryer krimin.
Si rezultat i trysnisë së ushtruar nga ana e Policisë duke kryer kontrolle të shtuara e të pandërprera në dhjetëra objekte, banesa, hotele, dhe godina të braktisura, informacioneve të grumbulluara, bashkëpunimit me familjarët, bashkëpunimit me Komisariatin e Policisë Lushnje dhe falë metodave proaktive mëngjezin e sotëm u bë lokalizmi i vendndodhjes së autorit , i cili fshihej në një lagje në Lushnje.Pas disa orë kërkimesh, para pak minutash autori i dyshuar i ngjarjes, shtetasi A. T., 31 vjeç, u vu në pranga nga shërbimet e Komisariatit të Policisë Lushnje dhe të DVP Tiranë që e kishin mbajtur të rrethuar zonën ku ishte lokalizuar vendndodhja e tij., thuhet në njoftimin e policisë.
Agron Tanushi qëlloi me armë ish kunatën e tij Jetmira Hasani në shtëpinë e tyre në Bathore.
Konflikti në fakt ka ndodhur pikërisht për arsye prone, pasi banesa pretendohej nga të dyja palët. Jetmira Hasani prej pak kohësh edhe nga bashkëshorti i saj pikërisht për shkak të sherreve të vazhdueshme brenda familjes për cështjen e banesës.
Madje Agron Tanushi dhe Jetmira Hasani kishin marrë urdhëra mbrojtje ndaj njeri-tjetrit duke qënë se shpesh kishin pasur konflikte dhe kishin përfunduar në polici e gjykatë.
