Nderpriten te gjitha aktivitetet futbollistike ne Shqiperi.
Vendimi eshte marre nga federata shqiptare e futbollit pas tragjedise se ndodhur ne stadiumin e Rrogozhines, ku pas nje problemi kardiak, sulmuesi i Egnatias Rafael Duamena u rrezua ne fushe ne minuten e 24 te duelit ndaj Partizanit, dhe me pas gjeti vdekjen ne spitalin e Kavajes.
FSHF i shprehu ngushellimet familjes se sulmuesit ganez dhe konfirmoi se te gjitha ndeshjet e te gjitha niveleve do te shtyhen per nje moment tjeter.
Federata Shqiptare e Futbollit shpreh tronditjen e thellë për tragjedinë e ndodhur sot gjatë ndeshjes së javës së 13-të të “Abissnet Superiore”, Egnatia-Partizani.
Futbollisti Raphael Dwamena ka humbur ndjenjat gjatë ndeshjes dhe pas ndërhyrjes së parë të mjekëve në fushën e lojës është transportuar me ambulancë për në spital.
Pavarësisht ndërhyrjes së menjëhershme të mjekëve specialistë dhe të gjitha përpjekjeve të mëpasshme për ta rikthyer në jetë, futbollisti për fat të keq ka ndërruar jetë.
FSHF i shpreh ngushëllimet më të thella familjes Dwamena dhe klubit të Egnatias për këtë humbje të madhe dhe ngjarje që ka shokuar të gjithë komunitetin e futbollit shqiptar.
Federata e Futbollit bën me dije se të gjitha ndeshjet e programuara për këtë fundjavë në të gjitha kampionatet e futbollit në Shqipëri do të shtyhen në një moment të dytë.
