542 persona kanë humbur jetën këtë të mërkurë në Itali si pasojë e Covid 19. Nëse bëjme një krahasim me buletinin e të martës, kemi 62 viktima më pak.
Tashmë shifra e përgjithshme e viktimave që nga fillimi I epidemisë në këtë vend ka shkuar në 17 mijë e 669.
Ndërkohë totalit të listës së të sëmurëve në raport me një ditë më parë i janë shtuar edhe 1195 persona të tjerë. Kemi të bëjme me një rritje të vogël të personave pozitiv në raport me të martën. Totali i te semureve aktualisht ne mbare vendin, te shtruar ne spital ose ne veteizolim ne Itali ka shkuar ne 92 mije e 262.
Shifra impresionuese edhe sa i takon të shëruarve, 2099 vetem ne 24 oret e fundit. Kjo ben qe shifra e pergjithshme e atyre qe kane “mundur” Covid 19 ne Itali te shkoje ne 26 mije e 491.
Mbrojtja Civile italiane konfirmoi se 233 shtretër pavionesh janë liruar këtë të mërkurë në raport me një ditë më parë e po ashtu janë liruar edhe 99 vende në terapi intensive krahasuar me të martën.
Ajo që bie në sy është edhe rritja e ndjeshme e numrit të tamponeve të kryera këtë të mërkurëm, plot 51 mijë në të gjithë Italinë, ose 18 mijë më shumë sesa mesatarja ditore e kohëve të fundit.
