Lëkundjet e tokës duket se nuk kanë fund në Turqi. Teksa të premten zona lindore e Turqisë u godit nga tërmeti shkatërrimtar me magnitudë 6.8, lëkundjet e forta sizmike kanë vijuar edhe gjatë kësaj të shtune.
Deri tani raportohet për rreth 400 paslëkundje, një pjesë e të cilëve kanë qenë edhe të fuqishëm. Më konkretisht, 14 prej tyre kanë qenë mbi 4 ballë.
Vetëm të shtunën u shënua një lëkundje 5.1 ballë, ndërsa janë regjistruar edhe dy tërmetë të tjerë 4.9 dhe 4.8 ballë. Paslëkundjet e forta kanë shkaktuar panik tek banorët dhe tek ekipet e kërkim-shpëtimit, të cilët kanë ndërprerë për pak çaste operacionet.
Por nga paniku është përfshirë edhe Turqia Perëndimore sepse edhe atje ka patur lëkundje 4.3 ballë. Deri tani në Turqi janë konfirmuar 29 viktima nga tërmeti, mbi 1000 të plagosur, teksa vijojnë ende kërkimet nën rrënoja.
