Kryeministri Rama ka marrë të enjten në mbrëmje një letër nga Presidenti i SHBA, Donald Trump.
Letra, e publikuar nga vetë kreu i qeverisë shqiptare, nis me falenderimin që Trump I bën Ramës për lidershipin e Shqipërisë dhe rajonin e Ballkanit.
Po ashtu Presidenti i SHBA vlerëson edhe qëndrimin e vendit tonë kundër ndikimit të Kines për shtrirjen e 5G.
Mes të tjerash Trump vlerëson kryeministrin shqiptar edhe për rolin e fortë në Nismën e Tre Deteve.
Në emër të Shteteve të Bashkuara të Amerikës, unë dua t’ju falënderoj juve për lidershipin e Shqipërisë në rajonin e Ballkanit dhe nëpër Europë, për ekspozimin e ndikimit malinj të Kinës, abuzimet me të drejtat e njeriut dhe praktikat grabitqare të huazimit. Mbështetja juaj e hapur për rrjetet e sigurta të telekomunikacionit po jep një shembull të fortë dhe shpresoj që Shtetet e Bashkuara dhe Shqipëria të mund të nënshkruajnë së shpejti një Memorandum Mirëkuptimi mbi sigurinë 5G, i cili hap rrugën që edhe vendet e tjera në Ballkan të bëjnë të njëjtën gjë. Jam gjithashtu i kënaqur nga roli i fortë i Shqipërisë në Nismën e Tre Deteve – një alternativë transparente, e bazuar në treg dhe e drejtë, e formatit Kina 17 + 1 prej të cilit unë ju nxis të dilni.
Në letrën dërguar Ramës, kreu i Shtëpisë së Bardhë ndalet edhe tek një tjetër aspak vlerësues, në mbështetjen që kreu i qeverisë shqiptarë i ka dhënë normalizimit ekonomik të marrëdhenieve mes Kosovës dhe Serbisë. Letren e tij, Trump e mbyll edhe më një kërkesë drejtuar qeverisë shqiptare për të zhvendosur ambasadën shqiptare nga Tel Avivi në Jeruzalem.
Unë dua t’ju falënderoj që e keni mbështetur normalizimin ekonomik midis Serbisë dhe Kosovës dhe për mbështetjen tuaj të fuqishme të Marrëveshjeve të Abrahamit, hapi më domethënës drejt paqes në Lindjen e Mesme për këtë gjeneratë. Ju inkurajoj që t’u bashkoheni Shteteve të Bashkuara dhe të tjera kombeve evropiane në zhvendosjen e ambasadës suaj në Jeruzalem.
