Tragjedia në Ranën e Hedhun, policia: 24 vjeçari ra nga gomonia, pësoi dëtmtime të rënda nga helika e motorit

Policia ka reaguar për ngjarjen e rëndë të ndodhur këtë të enjte në zonën midis Rjollit dhe Ranës së Hedhun.

Sipas njoftimit, 24-vjeçari është rrëzuar aksidentalisht nga gomonia, ku ka marrë edhe dëmtime të rënda nga helika.

Lexo edhe :

Tragjike! Ra nga gomonia, humb jetën 24-vjeçari

“Rreth orës 16:15, midis Rjollit dhe Ranës së Hedhun, në thellësi (zonë lundrimi), nga një mjet lundrues gomone, dyshohet se aksidentalisht, njëri prej tre shtetasve që ndodheshin në bord ka rënë nga gomonia dhe është dëmtuar rëndë nga helika e motorit të gomones.

Shërbimet e Policisë Kufitare dhe të Njësisë Policore Detare, me marrjen e njoftimit, kanë shkuar menjëherë në vendngjarje.

Shtetasi K. Gj., rreth 24 vjeç, është transportuar menjëherë nga shërbimet e Policisë Kufitare dhe më pas me autoambulancë në spital për ndihmë mjekësore, por, si pasojë e plagëve të marra, ka humbur jetën.

Ndërkohë, grupi hetimor po vijon veprimet për sqarimin e plotë të rrethanave të rastit”, njofton policia.

/vizionplus.tv