Kryetarja e Lëvizjes për Ndryshim, Jozefina Topalli mendon se partia e saj është e vetmja që mund të sjellë ndryshimin që kërkojnë qytetarët.
Përmes një postimi në “Facebook”, Topalli deklaroi se Lëvizja për Ndryshim është kundër klasës së korruptuar politike.
“Kanë mbetur vetëm 35 ditë nga dita e zgjedhjeve. Vota juaj do jetë vendimtare për dekadën që vjen. Në funksion të vendimeve që merr çdo qytetar do varet se ku do jesh nesër e si do jesh nesër. Lëvizja për Ndryshim me nr.11 ka hyrë në këto zgjedhje në betejë për të filluar ndryshimin. Ne jemi kundër 3 kryetarëve, kundër kalbësirës së jetës aktuale politike, kundër korrupsionit dhe varfërisë së dhimbshme që ka përfshirë numrin më të madh të familjeve shqiptare në 3 dekada; Ne synojmë të zëvendësojmë politikën cinike aktuale me politikën e shpresës. Në këto ditë, shqiptarët do marrin një vendim të rëndësishëm, për kë do votojnë. Mendoni për jetën tuaj. Mos mendoni për kryetarët e partive. Nëse ju kërkoni ndryshimin, mos rri në shtëpi, por voto për Lëvizjen për Ndryshim, Lëvizjen më të re me ekipin më të veçantë, me kauzën më të drejtë, luftën kundër korrupsionit dhe punësimin e të rinjve e qytetarëve të saj!”
