Të paktën 25 persona raportohet se janë plagosur, si pasojë e të shtënave në një klub nate në Arkansas ne SHBA. Sipas policisë, dyshohet se një grup personash të armatosur hapen zjarr pas mosmarrëveshjeve me personelin, duke vënë në rrezik jetën e të pranishmëve. Dëshmitarët rrëfejnë se e gjithë ngjarja ndodhi brenda 11 sekondave. Të plagosurit janë dërguar me urgjencë në spital dhe një prej tyre është në gjendje kritike për jetën.
