Arrestohet një 31-vjeçar në Shijak pasi lëvizte në gjëndje të dehur me makinë dhe qëllonte në ajër me armë.
Policia kishte marrë një telefonate nga qytetarët në Sallën Operative, se në Shijak, një shtetas po xhironte gomat e makinës dhe qëllonte me armë zjarri, dhe është vënë në lëvizje duke shkuar në adresën e dhënë për të parandaluar një ngjarje të mundshme kriminale.
Forcat e Posaçme Operacionale në bashkëpunim me Forcat Shqiponja dhe shërbimet e Policisë Shijak, kanë bërë të mundur neutralizimin dhe prangosjen e shtetasit Emiljano Norja, 31 vjeç, banues në Shijak, i dënuar më parë për veprën penale “Mbajtje e lëndëve narkotike”.
Në cilësinë e provës materiale u sekuestruan 1 armë zjarri kallashnikov, 1 krëhër me 23 fishekë dhe automjeti me të cilën ky shtetas qarkullonte.
