Kandidatja për deputete e PD, Jorida Tabaku deklaroi se qytetarët mezi po presin datën e zgjedhjeve për të bërë ndryshimin.
Gjatë një takimi elektoral, Tabaku tha se kreu i PD, Lulzim Basha e ka treguar se mund të përmirësojë gjërat për shqiptarët.
“Sa më shumë afrohet 25 prilli aq më të paduruar janë shqiptarët për të përkthyer në votë ndryshimin e kërkuar. Ka dëshirë dhe domosdoshmëri për t’i dhënë mundësinë një kryeministri që ka provuar se punon për shqiptarët. Rama në 8 vjet nuk ka punuar për askënd përpos vetes së tij. Familjet shqiptare janë më të varfëruara, qytetarët janë të lënë pasdore. Shqipëria do të ndryshojë për mirë në 25 prill kur do të votohet numri 9”, tha Jorida Tabaku në “Facebook”.
