Studentët kanë vijuar protestën para Ministrisë së Arsimit edhe këtë të dielë.
Ashtu siç ishte paralëjmruar, studentët kanë nisur marshimin nga Fakultetet në drejtim të MAS në orën 9:30, ndërsa u janë bashkuar edhe studentët e Universitetit të Arteve si dhe ata të Shkodrës.
Ata kanë paralajmëruar se nuk do të tërhiqen nga protesta deri në momentin që do të plotësohen kushtet e tyre.
Në ditën e katërt të protestës, studentëve u janë bashkuar edhe qytetarë të shumtë të cilët janë solidarizuar me thirrjet e tyre.