Për herë të parë pas disa javësh në izolim total, të rriturit në Spanjë janë të lirë të ecin dhe vrapojnë në rrugë.
Qeveria spanjolle ka marrë një vendim për të lejuar të rriturit të dalin, këtë herë jo vetëm për të kryer pazaret e nevojshme. Vendimi vjen pas liridaljes që patën fëmijët një javë më parë.
Spanja ka përjetuar shpërthimin më të keq të koronavirusit, me më shumë se 213 mijë raste dhe 24.500 viktima.
Për këtë arsye, autoritetet vendosën një izolim të rreptë në mars dhe deri javën e kaluar, Spanja ishte i vetmi vend në Evropë ku fëmijët nuk mund të dilnin fare.
