50 personat e arrestuar në protestën e opozitës së 11 majit pritet që të dalin këtë të martë para Gjykatës për t’u njohur me masën e sigurisë.
Seanca do të zhvillohet në orën 10:00 ndërsa mësohet se policia ka marrë masa me qëllim rruajtjen e ambienteve të gjykatës dhe shmangien e incidenteve.
Protestuesit akuzohen për kryerjen e 5 veprave penale atë të “Kundershtimit të punonjësit të policisë së rendit publik”, “Goditjes për shkak të detyrës”, “Prishjen e qetësisë publike”, “Shkatërrimin e pronës me zjarr” dhe “Shkelje e rregullave mbi lëndët plasëse, djegëse dhe radioaktive”.
Të dielën policia procedoi 84 protestues nga të cilët 50 u arrestuan ndërsa 34 po hetohen në gjendje të lirë.
Nga protesta e opozitës së 11 majit u plagosën 16 punonjës policie si pasojë e bombave molotov dhe mjeteve piroteknike të hedhura nga protestuesit e opozitës.
