Ambasadori i BE-së, Luiggi Soreca ka zhvilluar një takim me kryetarin e Partisë Demokratike, Lulzim Basha, ku i ka dorëzuar edhe raportin e KE-së për integrimin e Shqipërisë në BE.
Përmes një postimi në Twitter, Soreca thekson se roli i opozitës është thelbësor në monitorimin e zbatimit të rekomandimeve në këtë raport, teksa shton se BE mbështet kontributin e PD-së në këtë proces.
“Sot isha i lumtur ti dorëzoj raportin e Komisionit Europian për Shqipërinë kryetarit të Partisë Demokratike, Lulzim Bashës. Roli i opozitës është thelbësor në monitorimin e zbatimit të rekomandimeve të përfshira në Raport. Ne patëm një diskutim edhe mbi Partinë Demokratike dhe axhendën parlamentarë për muajt në vijim. BE mbështetet rolin pozitiv që ka luajtur lidershipi i PD-së në këtë moment të rëndësishëm politik për Shqipëri në rrugën e saj drejt anëtarësimit në BE”, shkruan ai.
