Shpejtësia ka qenë shkaku kryesor i aksidentit të rëndë hekurudhor, ku mbetën të vdekur e mbi 100 të tjerë të plagosur, disa prej të cilëve janë në gjendje kritike. Sipas autoriteteve amerikane, treni i pasagjerëve po udhëtonte me shpejtësi 130 km për orë, kur shpejtësia maksimale lejohej vetëm 80 kilometra.
Zëdhënësja e transportit të Uashingtonit, ka thënë për mediat se shoferët duhet të respektonin shpejtësinë e lejuar në vendin ku treni doli nga shinat. Pasagjerët rrëfejnë se treni u trondit disa herë para se të përfundonte poshtë urës së bllokuar nga trafiku I makinave. 7 automjete dhe dy kamionë u goditën duke plagosur disa drejtues mjetesh dhe pasagjerë.
Treni me 12 vagonë, kishte 86 persona në bord në momentin tragjik, duke përfshirë 77 pasagjerë dhe shtatë anëtarë të ekuipazhit të Amtrak, kompanisë që drejton shumicën e trenave të udhëtarëve në SHBA, si dhe një teknik treni.
Presidenti i SHBA-ve Donald Trump, me anë të një postimi në Twitter tha se aksidenti, duhet të shërbejë si një pikënisje për planin e ardhshëm të infrastrukturës. Ndërsa Guvernatori i Uashingtonit ka shpallur gjendjen e jashtëzakonshme në dy qarqe.
