I dërguari i presidentit amerikan Donald Trump për Lindjen e Mesme, Jared Kushner, po zhvillon një takim me kryeministrin izraelit Benjamin Netanyahu, në përpjekje për të avancuar planin amerikan të paqes për Gazën.
Kushner mbërriti në Izrael mbrëmjen e së dielës, pasi zhvilloi bisedime me Hamasin në lidhje me zbatimin e planit të mbështetur nga SHBA.
Lexo edhe :
Plani 15-pikësh i Trumpit parashikon tërheqjen e trupave izraelite nga Gaza dhe rindërtimin e territorit nën administrimin e një strukture të re civile palestineze. Izraeli e ka kundërshtuar këtë plan.
Një nga pikat kryesore të diskutimeve është çarmatimi i Hamasit. Grupi palestinez ka rënë dakord të dorëzojë armët në këmbim të një tërheqjeje graduale të forcave izraelite. Megjithatë, Izraeli kërkon që Hamasi të çarmatoset plotësisht përpara çdo tërheqjeje.
Ndërkohë, Hamasi u ka bërë thirrje ndërmjetësuesve dhe Bordit të Paqes që të ushtrojnë presion mbi Izraelin për të miratuar udhërrëfyesin e propozuar për hapat e ardhshëm.
