Monika Kryemadhi ka reaguar pas shkarkimit të mjekut Ilir Allkja. Sipas QSUT-së, Allkja ka shkelur kodin etik të punonjësit, prandaj edhe nuk duhet të vijojë të jetë më mjek pranë këtij shërbimi shtetëror.
Në një postim në “Facebook”, kryetarja e LSI-së e ka konsideruar shkarkimin nga puna të mjekut si të padrejtë.
Ajo shprehet mes të tjerash se është duke mbajtur shënim padrejtësitë e Rilindjes dhe se këto do të ndryshojnë kur opozita të vij në pushtet.
“Solidarizohem me mjekun Ilir Allkja, i cili është një prej shumë qytetarëve të larguar nga puna në mënyrë të padrejtë nga Rilindja. Kjo situatë nuk ka nisur sot, por ne kemi dhe jemi duke mbajtur shënim çdo gjë. Qeveria e re do t’i riparojë këto padrejtësi duke krijuar hapësirat për rikthimin e tyre në punë, si dhe duke riparë të gjithë motivacionin e gjobave të presionit ndaj bizneseve dhe çdo subjekti të cilin Rilindja e trajton si armik. Ndryshimi po vjen!”
