Lideri i opozitës Lulzim Basha ka denoncuar situatën e vështire ne sektorin e shendetesise, duke kërkuar largimin e kryeministrit Edi Rama si e vetmja kure.
Ne nje postim ne rrjetet sociale Basha ka akuzuar qeverinë se ende nuk ka miratuar listën e barnave te rimbursueshme, duke sjelle ne vëmendje premtimin qe kryeministri Edi Rama i beri ne nëntor nje 12 vjecareje te sëmure nga diabeti per rimbursimin e fishave. “1500 fëmijët e sëmurë me diabet do të vazhdojnë të blejnë 100 mijë lekë çdo muaj fishat e diabetit, sepse klanet e tregut miliarder farmaceutik, klientë të Edi Ramës, nuk kanë rënë akoma dakord si do të ndajnë fitimet nga lista,” shkruan kryetari i Partisë Demokratike Basha.
Sipas Bashes shqiptaret do te merrnin shërbime me te mira ne mjekësi sikur kryeministri Rama te ndërpriste koncesionet korruptive, te cilat per ketë vit kapin vlerën e 40 milionë eurove. Por pas këtij denoncimi ka reaguar Ministria e Shendetesise e cila ka hedhur poshtë akuzat.
Ne nje njoftim per mediat, ministria ka sqaruar se ne datën 29 dhjetor qeveria ka miratuar vendimin qe parashikon se fishat e diabetit do te shpërndahen falas per te gjithë fëmijët dhe fondi i vene ne dispozicion per kete është 43.8 milion leke.