Viti i kaluar u mbyll me 5 konfiskime pronash nga ana e prokurorisë së Posaçme kundër Krimit dhe Korrupsionit. Gjatë bilancit të punës, drejtuesi i SPAK, Arben Kraja foli edhe për vlerën monetare të pronave të sekuestruara.

 

ARBEN KRAJA

KREU I SPAK

 

“Për t’i identifikuar asetet kriminale dhe më pas për t’i përdorur në favor të publikut e të institucioneve që punojnë për to. Unë mund të përmbledh vetëm disa shifra për vitin 2021 për zbatimin e ligjit antimafia. Risia që futëm ishte edhe dënimi për pastrim parash. Gjatë vitit 2021 janë dhënë 5 vendime konfiskimi që përfshijnë 3.4 milionë euro, prona të luajtshme e të paluajtshme.”

 

Ndër objektet e sekuestruara kreu i SPAK përmendi prona të patundshme dhe resorte buzë detit.

 

“Po kështu kemi 14 vendime ku lista e pasurive është shumë e gjatë dhe me vlera të konsiderueshme, janë 11 subjekte tregtare, rreth 1 milionë euro në llogari bankare dhe 20 milionë lekë shqiptare. Vetëm gjatë vitit 2021 kemi 6 vendimi sekuestrimi me 15 prona të lakmueshme në bregun e Adriatikut.”

 

Kraja u shpreh se me fondet e konfiskuara nga ligji antimafja është ngritur një laborator modern digjital për të rritur performancën e ndjekjeve penale.

Leave a Reply

Your email address will not be published. Required fields are marked *