Një operacion antidrogë i zhvilluar paralelisht në Shqipëri dhe Greqi çoi ne arrestimin e disa trafikanteve.
Ne orët e para të së enjtes, policia greke finalizoi ndërhyrjen ne zonën bregdetare të Platarias ne portin e Igumenices, ku u sekuestruan 424 kg kanabis. Lënda narkotike ishte vendosur ne 36 pako, ndërkohe që agjentet arrestuan një 42 vjeçar nga Shqipëria. ai dyshohet se ishte skafisti qe kishte mundur te kalonte ujerat greke për te zbritur drogën ne breg.
Hetuesit sekuestruan edhe gomonen me te cilën u transportua kanabisi, si dhe tre telefona celularë. ndërkohë skafisti ehte marre ne pyetje për te hedhur me shume drite mbi këtë linje trafiku.
Ne Sarande, policia shkatërroi një bandë kriminale të trafikut të lëndëve narkotike drejt Greqisë, duke vënë në pranga 12 persona dhe shpallur në kërkim 4 të tjerë.
Gjatë aksionit, grupit kriminal i janë sekuestruar një sasi lënde narkotike, 9 makina 5 prej të cilave janë luksoze, si dhe 21 aparate celularë.
Sipas policisë, hetimi ndaj këtij grupi ka nisur prej disa kohësh dhe është finalizuar me arrestimin e trafikantëve. Këta persona organizonin transportin e lëndës narkotike nga Tepelena dhe Gjirokastra në drejtim të zonave kufitare të Konispolit. Më pas e magazinonin në disa ambiente në zonën pranë kufirit dhe e trafikonin drejt shtetit Grek. Sipas policisë, një pjese e të arrestuarve nuk janë emra të panjohur. organizatori i grupit, ishte 21-vjeçari Ajaz Lile. Ai njihej me pseudonimin ‘babi’, dhe ishte dënuar më parë për trafik droge.
