Të infektuarit me koronavirus në Shqipëri po shtohen dita-ditës. Shefja e Epidemiologjisë, Eugena Tomini deklaroi për mediat se gjatë 24 orëve të fundit janë regjistruar 19 raste të reja, duke e çuar kështu numrin total të të prekurve në 123. Nga të infektuarit, 57 prej tyre ndodhen në spital. Por lajm i keq është fakti se është zgjeruar edhe harta me vendet e prekura.
“Në 24 orët e fundit janë konfirmuar 19 raste të reja me COVID-19 dhe janë kryer 74 testime.
Deri në këto momente testuar 930 janë raste të dyshuara dhe prej tyre janë të konfirmuar pozitivë me COVID-19, 123 numrin e të prekurve.
Ndërsa shpërndarja gjeografike e rasteve pozitive, është si vijon:
- Tiranë 72 qytetarë
- Durrës 8 qytetarë
- Lushnje 4 qytetarë
- Elbasan 2 qytetarë
- Fier 12 qytetarë
- Rrogozhinë 2 qytetarë
- Kavajë 4 qytetarë
- Korcë 9 qytetarë
- Vlorë 4 qytetarë
- Shkodër 2 qytetarë
- Lezhe 1 qytetarë
- Berat 1 qytetarë
- Has 2 qytetarë
Ju informojmë se në spitalin Infektiv ndodhen aktualisht 57 pacientë të shtruar, 2 prej tyre janë në terapi intensive. Ndërsa pjesa tjetër e të shtruarve në pavion janë në gjendje të stabilizuar deri në këto momente.”
