Një komandant i lartë i ushtrisë ruse ka humbur jetën pas rrëzimit të avionit me të cilin udhëtonte në një zonë shkëmbore në Krime, sipas burimeve zyrtare ruse të cituara nga mediat.
Viktima është Aleksandër Otrosenko, komandant i Ushtrisë së 45-të të Forcave Ajrore.
Ai ishte mes 30 personave që humbën jetën në këtë tragjedi, bëri të ditur guvernatori i rajonit të Murmanskut.
Sipas Ministrisë së Mbrojtjes së Rusisë, shkaku i rrëzimit të avionit dyshohet të ketë qenë një defekt teknik.
Russian Northern Fleet Air Force commander, Lieutenant General Alexander Otroshchenko, was killed in a crash of an Antonov-26 aircraft in Crimea. pic.twitter.com/R0oqU5kuVR
— Open Source Intel (@Osint613) April 6, 2026
Avioni Antonov-26, i cili ishte në përdorim që nga fundi i viteve 1960, është përdorur gjerësisht si për qëllime ushtarake, ashtu edhe për transport civil të mallrave.
Autoritetet kanë nisur hetimet për të zbardhur plotësisht rrethanat e aksidentit.
