Një aeroplan i vogël u rrëzua në një lagje të San Diegos, Kaliforni si pasojë e motit të keq dhe mjegullës mëngjesin e sotëm (me orën lokale).
Mediat raportojnë se 15 shtëpi u përfshinë nga flakët si pasojë e rrëzimit të aeroplanit. Gjithashtu edhe disa automjete morën zjarr, ndësa qytetarët u detyruan të evakuohen.
Nuk dihet ende nëse ka persona të lënduar.
Njerëzit në lagje përshkruan se u zgjuan nga një zhurmë e madhe dhe panë një shkëlqim portokalli në qiell.
Aeroplani Cessna 550 u rrëzua rreth orës 3:45 të mëngjesit pranë Aeroportit Ekzekutiv Montgomery-Gibbs, tha Administrata Federale e Aviacionit.
“Numri i personave në bord është i panjohur në këtë kohë,” tha FAA në një deklaratë.
Aeroplani mund të mbajë gjashtë deri në tetë persona.
/vizionplus.tv
