Kryeministri Edi Rama publikoi në “Facebook” një grafik, që sipas tij tregon numrin e viktimave nga COVID-19 për vendet e rajonit.
Referuar grafikut, Shqipëria ka numrin më të ulët të të vdekurve. Rama apeloi që të mos dëgjohen gojët e shthurura, por si referencë të merren faktet.
“Ja numri i jetëve të humbura për 1 milion banorë në rajon e përreth dhe krahasojeni tani me kërdinë e mendjeve të mbrapshta e gojëve të shthurrura, që ju derdhin papushim helmin e gënjeshtrave, shpifjeve, sajesave nga çdo kanal i infektuar🤮 Mos i dëgjoni pa maskën mbrojtëse të fakteve! Ruajuni nga e keqja që duan t’ju fusin në shpirt e në tru! Dhe mos e harroni këtë që po ju bëjnë!”
