Kryeministri Rama ka reaguar dy herë paraditen e kësaj të enjte në lidhje me teatrin kombëtar.
Fillimisht ai ka shpërndarë një video të Veliajt ku bëhen paralelizma në lidhje investimet e kontestuara në Tiranë dhe formen që ato kanë marrë pasi janë realizuar, si Sheshi “Skenderbej” , Pazari i Ri, lodrat tek liqeni apo Bulevardi i Ri.
MIRËMËNGJES
dhe me atë shprehjen popullore, “Zoti u shtoftë inatin, që të na shtojnë takatin”, ju uroj një ditë të mbarë
Postimi i parë i Ramës:
Më pas kryeministri ka postuar në facebook një shprehje të Paolo Coelhos ku indirekt i përgjigjet akuzave të Bashës për teatrin.
Rama shkruan se disa persona jetojnë vazhdimisht në luftë me të tjerët, me vetveten dhe me jetën e tyre. Për këtë arsye, shkruan Rama, ata shpikin vepra teatrale imagjinare, skenarin e të cilave e përshtasin me sikletet e tyre.
Postimi i dytë i Ramës:
Disa persona jetojnë vazhdimisht në luftë me të tjerët, me vetveten, me jetën e tyre!
Për këtë arsye shpikin vepra teatrale imagjinare, skenarin e të cilave e përshtasin me sikletet e tyre.
Paulo Coelho
