Kryeministri Edi Rama ka publikuar në rrjetet sociale pamje nga vijimi i punimeve në aksin rrugor Elbasan–Rrogozhinë, duke e vlerësuar këtë projekt si një ndër investimet e rëndësishme për infrastrukturën e vendit.
Përmes një postimi në Facebook, Rama u shpreh se ky segment, pjesë e Korridorit VIII, do të sjellë përmirësim të lidhjeve mes qyteteve, rritje të sigurisë në qarkullimin rrugor dhe forcim të pozicionit të Shqipërisë në rrjetin rajonal të transportit.
“Dhe me punën që vijon në aksin Elbasan–Rrogozhinë, pjesë strategjike e Korridorit VIII, një investim që afron qytetet, rrit sigurinë rrugore dhe forcon rolin e Shqipërisë si urë lidhëse në rajon, ju uroj një ditë të mbarë”, shkroi Rama në postimin e tij.
Aksi Elbasan–Rrogozhinë është pjesë e Korridorit VIII, një projekt i rëndësishëm infrastrukturor që synon lidhjen e bregdetit të Adriatikut me Detin e Zi, duke lehtësuar transportin, lëvizjen e qytetarëve dhe zhvillimin ekonomik në rajon.
