Pamjet e një kamere sigurie hodhën dritë plotësisht mbi rrethanat e aksidentit tragjik të ndodhur një ditë më parë në Malësi të Madhe, ku humbën jetën dy të rinj.
Ato tregojnë se mjeti tip “Audi” që drejtohej nga një punonjës i policisë ne Malësi të Madhe ka tentuar të kthehet majtas. Por në këtë moment ai është përplasur me makinën tip “Benz” që vinte nga mbrapa me shpejtësi shumë të lartë.
Nga goditja, automjeti tip “Benz” doli nga rruga dhe u përplas me murin rrethues të një banese, e për pasojë humbën jetën dy të rinj.
Ndërkohë, dy shoferët u arrestuan si shkaktarë të këtij aksidenti tragjik.
