Prokuroria pranë Prokuroria pranë Gjykatës së Shkallës së Parë të Juridiksionit të Përgjithshëm Korçë ka regjistruar kryesisht një procedim penal për veprën penale “Shpërdorim detyre”, parashikuar nga neni 248 i Kodit Penal, lidhur me problematikat në menaxhimin dhe organizimin e shërbimit të ushqimit për pacientët në Spitali Rajonal Korçë.
Hetimi është regjistruar pas publikimit të një materiali investigativ më 11 mars 2026, ku u referuan gjetje nga raporti i auditimit të Kontrolli i Lartë i Shtetit, sipas të cilit janë evidentuar problematika në mënyrën e menaxhimit dhe organizimit të shërbimit të ushqimit për pacientët.
Në kuadër të këtij procedimi penal, Prokuroria ka urdhëruar kryerjen e një sërë veprimesh hetimore nga oficerët e policisë gjyqësore. Qëllimi është verifikimi i plotë i rrethanave të paraqitura në materialin e publikuar, administrimi i dokumentacionit përkatës dhe identifikimi i çdo personi që mund të ketë përgjegjësi ligjore në këtë çështje.
Sipas njoftimit, hetimet do të zhvillohen në funksion të garantimit të detyrimeve ligjore të institucioneve publike për mbrojtjen e shëndetit të pacientëve dhe të qytetarëve të Qarkut Korçë.
Prokuroria e Korçës thekson se mbetet e angazhuar për të zhvilluar një hetim të plotë, të paanshëm dhe në përputhje me ligjin.
/vizionplus.tv
