Policia e Shtetit ka ndëshkuar 74 shoferë të pabindur gjatë 24 orëve të fundit. Ata nuk kanë zbatuar urdhrin për të mos qarkulluar me makinë gjatë ditëve të karantinës.
Për këtë arsye, atyre u është hequr leja e drejtimit dhe u është bllokuar mjeti. Po ashtu, janë arrestuar dy shoferë të akuzuar për drejtim mjeti në gjendje të dehur, armëmbajtje pa leje dhe mosbindje ndaj urdhrit të policisë.
Uniformat blu kanë gjobitur edhe 10 këmbësorë, të cilët po qarkullonin në këmbë ose me biçikletë edhe pas orës 18:00 pa arsye. Gjoba për ta është 10.000 lekë.
