Policia e Tiranës apeloi qytetarët që të bashkëpunojnë në pengimin e përhapjes së koronavirusit duke zbatuar rregullat.
Policia bëri thirrje që kujdes i veçantë të tregohet në ambiente të mbyllura, ceremoni festive dhe mortore dhe në bare e restorante.
“Respektoni protokollet e sigurisë, për të mos rrezikuar shëndetin e tuaj dhe të të tjerëve, distancimin social, bëni kujdes në ceremonitë festive dhe ato mortore, duke mos u grumbulluar në mënyrë masive! Mos qëndroni grumbull në ambientet e brendshme të lokaleve, bareve, restoranteve, qendrave tregtare apo marketeve dhe mos pranoi shërbim klienti nga persona që nuk kanë vendosur maska mbrojtëse dhe dorezat! Shmangni grumbullimet në ambiente publike, pasi janë në kundërshtim me protokollet e sigurisë dhe janë rrezik potencial për t’u infektuar dhe përhapur COVID-19!”
Për këdo që është i infektuar me COVID-19, policia kërkoi që të qëndrojnë në karantinë pasi disponon listën me emrat e përditësuar të tyre dhe do të ndëshkohen.
