Ish-kryeministri rus dhe nënkryetari aktual i Këshillit të Sigurimit Dimitri Medvedev ka bërë një deklaratë të ashpër ndaj presidentit të Ukrainës Volodymir Zelenskyt.
Pas kërkesës së Zelenskyt për futjen e përshpejtuar në NATO, Medvedev ka thënë se Kievi po përshpejton një luftë të tretë botërore.
“Zelensky dëshiron të anëtarësohet shpejt në NATO. Ide e mirë. Thjesht i lutet Organizatës së Traktatit të Atlantikut të Veriut të përshpejtojë fillimin e një lufte të tretë botërore. Biden njoftoi mosnjohjen e aneksimit të territoreve të reja në Rusi. Madje është për t’u habitur që na kujtoi. Megjithatë është turp. Mund të gjejmë një vend të mirë për të hapur një konsullatë amerikane në rajonet e reja të Federatës Ruse”
Një jave më parë Dimitri Medvedev deklaroi se vendi i tij ka të drejtë të mbrohet me armë bërthamore nëse sulmohet.
