Një aksident me pasojë vdekjen është regjistruar këtë të mërkurë në hyrje të qytetit të Pogradecit.
Vizion Plus mëson se dy automjete janë përplasur me njëra-tjetrën, e për pasojë ka gjetur vdekjen njëri prej drejtuesve të mjeteve. Viktima identifikohet si Delor Latifllari, 32 vjeç, baba i dy fëmijëve, i cili punonte në fast-food.
Sakaq, është arrestuar drejtuesi i mjetit tjetër, 27-vjeçari Enea Yzellari.
Policia ndodhet në vendngjarje për të zbardhur shkaqet e aksidentit.
